Edukira joan
Hizkuntza
Menu

Itxi begiak eta egin amets, Ignaziotar Lurraldean barneratzean bidaia bat egingo baituzu lehenaldira. Lurralde honetan barrena galtzen zarenean ezagutuko dituzu historian zehar gizakia naturako elementuez baliatu izan den moduak, bere burua babesteko, bizitzeko, ikasteko, meditatzeko edo lan egiteko. Loiolako San Ignazioren eta tenplu ikusgarrien historia biltzen da bertan, burdinaren, harriaren eta suaren lurraldean, Oteizari eta Chillidari modelatzen erakutsi zien paisaian, antzina-antzinatik gizadiaren historiaren agertoki izan den honetan.

Espainiako tenplu gailenetako hiru 20 kilometro karratutan. Zalantzarik gabe, Ignaziotar Lurraldea paradisu bat da historiaz eta espiritualtasunez betetako helmugak ezagutu nahi dituztenentzat. Jesus Konpainiaren fundatzaile Loiolako San Ignazioren irudiagatik mugarri historiko izateaz gainera, benetako altxor arkitektonikoak eta euskal arte garaikidearen erakusgarri bikainenak aurkituko dituzu Hiru Tenpluen Bidean.

Anterior
Siguiente
Loiolako santutegia
Arantzazuko santutegia
Antigua baseliza

Ignaziotar Bidea erromes bide bat da, 1522an, Loiolako San Ignaziok, errege-gorteko zaldun zela, egindako ibilbidea birsortzen duena: Loiolatik (Azpeitia) abiatu eta, Jerusalemerako bere erromesaldia jarraitzeko asmoz, Manresa hirira arte egin zuen bidea. Gaur egun, ibilbide natural, kultural eta erlijioso bat da, ehunka pertsonek urtero egiten dutena erromesaldi esperientzia bizitzeko, ondo zehaztutako etapekin eta propio prestatuta dauden helmugetan geraldiak eginez. Gainera, interes turistiko, historiko eta artistiko handiko bidea da: Loiolako santutegia, Zumarragako baseliza eta Arantzazuko santutegia. Aukera paregabea munduaren historia aldarazi zuen gizon baten pausoak ezagutu ahal izateko.

Anterior
Siguiente

Gustuko badituzu Historia eta istorioak, gozatu egingo duzu Lurralde honetako hainbat bazterretako hormek kontatzen dituzten pasadizo amaigabeak entzuten. Historiaurreko santutegiak lurpean; Bergaran, zientzialari batzuen istorioa kontatzen digun museoa, wolframioa deskubritu eta Europan erreferentzia zientifiko bihurtu zirenena; aurreneko Euskal Unibertsitatea, altxor arkitektonikoa eta Monumentu Historiko Artistiko Nazional izendatua; eta Lagar baserria, XVI. mendekoa, euskal baserrietako bizimodua erakutsiko dizuna. Lurralde hau historiari ekarpen bat egin zioten adimen, obra eta pertsona handietan hain emankorra izan denaren erakusgarri.

Anterior
Siguiente

Oteiza eta Chillida, edo magia nola egin eta lurralde bateko elementu naturalak eta historikoak arte bihurtu. Gipuzkoak eman dituen nazioarteko bi artista handi hauek burdinaren eta harriaren poetak izan dira, eskulturaren maisuak, sortzailearen prozesu artistikoaren filosofoak, eta artearen eta industriaren binomioaren ordezkari gailenak. Burdina eta hormigoia izan ziren bi artista unibertsal gailen horiek erabili zituzten material nagusiak, industria eta makina-erreminta mendeetan zehar oinarri ekonomiko funtsezkoak izan diren lurralde honetan.

Anterior
Siguiente

Debaren haranean, Ignaziotar Lurraldetik oso gertu, Debabarrena dago. Eskualde hau izan da Gipuzkoako industri garapenaren gune nagusietako bat. Esan dezakegu euskal Industria Ondareak ordezkaritza ezin hobea duela Eibar eta Elgoibarren, herri dinamiko eta biziak baitira, “lana arte bihurtzen duten lekuak”.

Eibar, aspaldi-aspalditik, burdinaren manufaktura eta eraldaketari dago lotuta. Ospetsuak dira bertako josteko makinak, bizikletak eta eskopetak, eta Armagintzaren Museoak, produkzio horrek azken 600 urtean zehar eskualdean izan duen bilakaera erakusteaz gain, arma bilduma ikusgarria du, XIV. mendekoekin hasi eta gaur egungoetaraino iristen baita.

Elgoibarrek Makina Erremintaren Museo zeharo interesgarria dauka. Horretan omenaldia egiten zaie burdinaren industria egin zuten olagizon, forjari eta abarri, eta gida didaktikoa da, gainera, fabrikazio mekanikoko prozesuetan erabilitako teknologien bilakaera erakusteko.

Anterior
Siguiente

Esploratzaile

Aurrekoa
Hurrengoa

Ekain

Euskal Herrian ondoen gordetako lurpeko altxorra dugu Ekain, eta historiaurreko santutegi garrantzitsuenetakoa Europan.

Arrikrutz

Lurpeko katedral barroko bat da Arrikrutz, naturak eraikia eta elkar lotuta dauden hamabitik gora kilometroko galeriez osatua

Burdinbidearen euskal museoa

Burdinbidearen Euskal Museoa Azpeitian dago; Europa osoan dagoen trenbideen bilduma onenetako bat dago bertan.

Mirandaola

Burdinak garrantzia berezia izan du Euskal Herriaren bilakaeran.

Tenpluak

Aurrekoa
Hurrengoa

Arantzazuko santutegia

Arantzazu. Harrez geroztik, Oñati eta Arrasateko herritarrak erromesaldiak egiten hasi ziren bertara.

Antigua baseliza

Antigua baseliza euskal baselizen katedraltzat jo dute.

Loiolako santutegia

Gaur egun, turismo espiritualaren funtsezko guneetako bat da.

Oñatiko San Migel eliza

Hiru mendetan zehar eta estilo desberdinetako elementuak gehituz eraikitako tenplu baten adibide bikaina da Gipuzkoan.

Monumentuak eta eskulturak

Aurrekoa
Hurrengoa

Sancti spiritus unibertsitatea

Oñatiko Sancti Spiritus Unibertsitatea monumentu errenazentista bat da, eta Euskal Herriko aurreneko unibertsitatea.

Arantzazuko basilikako atea

1950eko abuztuan ipini zuten aurreneko atea Arantzazuko basilika berrian.

Lili jauregia

Zestoan dugu Erdi Aroko arkitekturaren adierazgarri bikain hau.

Oteiza frontoiak

Azkoitiak errealitate bihurtu zuen Oteizaren ametsetako bat: pilotaren mundura eraman zuen hutsaren esperimentazioa.

Basozabal jauregia

Basozabal jauregia XV. mendeko eraikin ederra da, Azpeitiko erdialdeko Enparan kalean kokatua.

Ignaziotar lurraldea

Agenda

Hurrengo ekitaldiak

Igartubeitia

Ignaziotar Lurraldea | Erreserba zentroa

San Inazio Loiolakoaren izena gogora ekartzen duen lur horrek aukera eskaintzen digu ibilbide aparta egiteko, historiaurrean zehar nahiz Gipuzkoako une historiko garrantzitsuenetan zehar. Bisitatu ditzakezun tokiak: Arrikrutzeko kobak eta Ekainberri. Igartubeiti baserria, Euskal Herri osoko baserri interesgarrienetako bat. Mirandaola burdinola, Legazpin, Burdinaren Haranaren bihotzean. Lili jauregian egiten diren bisita antzeztu harrigarriak eta Trenaren Museoa, lurrun trenez bidaiatzeko aukerarekin.