Edukira joan
Hizkuntza
Menu

Hirurogei kilometroko kostaldeak osatzen du Gipuzkoan aurreko profila itsasoari begira dagoelarik. Itsaslabar ikusgarriko kostaldeak, Kantauriko olatuei aurre egiten dieten hondartzak eta arrantzaleen herrixka tradizional xarmagarrien ilara luze batek margotzen dute itsasertza. Hala, euskal kostaldeari edertasuna dario alde guztietatik, bertako ikuspegi, kalexka, plaza, denda, jatetxe eta jendeei esker. Hori guztia itsasotik ateratako gutizia gastronomikoen usain gozoaz inguratuta.

Euskal Kostaldea benetako paradisu natural bat da, munduko inongo lekutan aurkituko ez ditugun altxorrak ezkutatzen dituena. Horien artean flyscha, Mutriku, Deba eta Zumaia arteko kostako hamahiru kilometrotan zehar hedatzen dena, planetako azaleratze geologiko nagusienetako bat osatuz eta gure kostaldeari irudi zoragarrienak eskainiz. Edota Pasaiako badia txiki eta lerdena, portuan sartzen diren otsasontzi erraldoien artean XVI. mendeko baleontzi baten berreraikuntza-lanei harrera egin diona, garai hartan Europako portu baleazale nagusienaren itsas historia kontatzen digun Faktoria original batean.

Anterior
Siguiente

Plan hobezina era guztietako turistentzat. Hartzazu autoa eta egin touring bat Euskal Kostaldeko arrantzaleen herrietatik. Gal zaitez galtzada-harrizko kale estuetan, begiztatu zeruertza behatokietan, goza ezazu itsas lurrinaz arrantza-portuetan eta hartzazu txakoli bat herri horietako plaza zaharretan. Hirurogei kilometro geldialdi hauek eginez: Hondarribia, Pasaia, Orio, Zarautz, Getaria, Zumaia, Deba eta Mutriku, N-634 errepidea hartuta, itsasertzetik ikuspegi zoragarrienak eskaintzen dituen errepide ikusgarria.

Anterior
Siguiente

Ez zara inoiz aseko. Egunean zehar janda ere, berriro jan nahi izango dituzu gauean ere. Eta zure buruari galde egingo diozu nola den posible halako jakiek hain itxura sinplea izatea: antxoa gazituak, olagarroa, hegaluzea oliotan, bisigua... Itsasoan dago ezkutuko sekretua, eta freskotasunean, parriletan, eta esku trebe horietan, sua hain ondo kontrolatu eta txingarretan arrain erreari puntu ezin hobea ematen dioten horietan. Beraz, ez ahaztu Euskal Kostaldeko herrietako arrain-erretegi ugarietakoren bat bisitatzea, esaterako Getarian, Orion edo Hondarribian, parrilak kalean bertan ipinita dituztenak itsasotik zuzenean irtendako benetako gutiziak prestatzeko. Eta edateko, txakolin bat, ardo zuri sofistikatua, fresko-freskoa, eta munduko eskakizun handieneko mahaiak konkistatzen ari dena. Jatorri-deiturarekin 1987az geroztik.

Anterior
Siguiente

Hondartzak

Aurrekoa
Hurrengoa

Ondarbeltz

Debako itsasadarraren ezkerraldera joanez gero, Ondarbeltz hondartza dago, Mutrikun.

Sakoneta

Senadi eder basatia Deban, Zumaiako bidean. Flyscha ikusi ahal izateko leku paregabea.

Saturraran

Euskal Kostaldean argazki gehien atera izan zaion paisaietako bat.

Santiago hondartza

Familia giroko hondartza, eguzkia eta bainua hartzeko hareatza handi batez hornitua. Oso-oso gertu, Sorginetxen, Euskal Herrian surf egiteko olatu handietako bat.

Zarauzko hondartza

Gipuzkoako hondartzarik luzeena, 2.500 metroko hedadura duena.

Hondarribiako hondartza

Gipuzkoako azkeneko hondartza, Bidasoa ibaiaren bokalean datzana.

Antilla hondartza

Orion kokatua, hondartza lasaia da Antilla, eguzkitan etzanda egoteko 3500 m2-ko azalera duena.

Malkorbe hondartza

Getariako hondartza txiki zoragarri hau portuaren inguruan dago.

Mutrikuko hondartza

Hondartza berezia, Mutrikuko portu ikusgarriaren ondoan kokatua.

Santixo hondartza

Zumaian dagoen hondartza honek hareatza zabala eta ur bareak ditu

Zazpi hondartzak

Kala arrokatsuen ilara latz eta basatia, Mutrikun kokatua, urpekaritza eta nudismo zaleek oso atsegin dutena.

Gaztetape hondartza

Kantauri itsasora zabalik

Itzurun hondartza

Familia giroko hondartza zoragarria, flyscharen geruza bertikal ikusgarriek bere baitan bildua.

Surfing

Aurrekoa
Hurrengoa

Surf eskolak

Surf eskolek maila eta adin guztietarako ikastaroak eskaintzen ditu, baita hainbat zerbitzu ere, olatuen gainean ibiltzen proba egin nahi duten guztiek eskuragarri duten esperientzia, alegia.

Adituentzako olatuak

Orrua, Sorginetxe, Alkolea...

Surf Spots

Zurriola, Zumaia, Zarautz...

Txalupa ibilbideak

Aurrekoa
Hurrengoa

Hondarribia itsastarra

Hondarribiko herria, Gipuzkoa ekialdean, Frantziako mugan, gipuzkoar kostaldeko itsas tradizio handieneko herrietako bat da.

Ontzi txiki polit bat

Ontzi txiki batera igotzea eta badia zoragarri bat zeharkatzea Pasai Donibanera iritsi arte.

Flysch-aren ibilbidea

Hondartza helezinen eta itsas herrien bista zoragarriak, Zumaia, Deba edo Mutriku.

Euskal kostaldea

Hondarribia marina

Ekialdeko Euskal Kostaldea | Erreserba zentroa

Ekialderantz begiratzen badugu, toki magikoak aurkituko ditugu gure kostaldean. Pasaian Albaola dago, Itsas Kultur Faktoria; bertan, zuzenean ikusi dezakegu nola ari diren eraikitzen San Juan baleontziaren erreplika. Ondoan, Mater itsasontzi museoan, gure arrantzaleen bizimodua ezagutu dezakegu. Itsasadarraren beste ertzean, berriz, Pasai Donibane dago; herrigune historiko xarmagarria du, eta ospetsua da gastronomiagatik.

Flysch

Mendebaldeko Euskal Kostaldea | Erreserba zentroa

Kostalde honetan dago Euskal Kostaldeko Geoparkea (UNESCO), non Lurraren historiako pasarte zirraragarrienenak gordetzen dituen paisaia honetako protagonistak aurkitzen baititugu: geologia eta euskal kultura. Getarian, berriz, Balenciaga Museoa bisitatu dezakezu, Balenciaga moda-sortzaile apartaren bizitza eta obra ezagutzeko.

Agenda

Hurrengo ekitaldiak

09ABU

Aste Nagusia

Donostia

16ABU

San Roke jaiak

Deba