Atzealdea

Punta-puntako proposamena itsas aisialdirako

Punta-puntako proposamena itsas aisialdirako

Punta-puntako proposamena itsas aisialdirako

Itsasoaren energiak hartuko zaitu Hondarribian eta Irunen, Gipuzkoako Bidasoa eskualdean. Maila eta adin guztietarako jarduera askotarikoak, oroitzapen ezabaezinez konpentsatuko gaituztenak.

Ostirala Itsas giroko ilunabar aktiboa, planean murgiltzeko

Bi ertzeko akzio-unibertso batera iritsi gara! Gure itsasertzeko bi paisaia politenetakoak ditugu hemen: Txingudiko badia eta Bidasoa ibaia. Ostiralean, onena gogotsu iristea da. Katamaranean ibilaldi bat duzu zain, bazter hauek beste ikuspegi batetik ezagutzeko, Txingudiko badian eroso asko nabigatuz, eta fauna eta hegaztiak miaketa atsegin batean behatuz. Giro paregabea izango dugu kostaldea ederki asko ezagutzen duten marinelekin. Aldiz, ingurua modu aktiboagoan ezagutu nahi baduzu, aukera polita duzu paddle surfa. Paisaian txertatuta bazeunde bezalaxe sentituko zara, ur gainean oinez bazenbiltza bezala. Eta gure kostaldeko txokoetan paseatu ahalko duzu. Modalitate erraz eta erlaxagarri honi esker, itsasadarra eta ainguralekuak ezagutu ahalko dituzu, portuetara gerturatu ahalko zara, beste aldeko ertzera igaro... Edo olaturen batekin balantza egin! Ondoren, kirol kaian afari legea egin, eta atseden hartzera!

Txingudiko badia

Larunbata Goizean, kayaka eta kirol arrantza.

Irunera joango gara itsasertzean den beste paisaia zoragarri bat ezagutzera: Bidasoa ibaia. Uretan arraunean ezagutuko dugu ibaia, balio ekologiko handia duen natura ingurune batean zehar kayakean. Faisaien uhartea inguratuko dugu, munduko jabekidetzarik txikiena. Erabat deskonektatuko gara: bakea, barre algarak eta kirola. Hondarribia aldera bueltatuko gara, eta tradizio handieneko jarduera ekonomiko batean murgilduko: artisau arrantzan. Diziplina gutxik hartzen dute horren kontuan bertako gidariaren jakintza. Hondarribiko arrantzale aditu batek gidatutako kirol arrantzaren ostean, master azeleratu bat egin bazenu bezala bueltatuko zara etxera. Ziurtaturik dago arrantza! Eta, jateko, berdin du Irunen edo Hondarribian egon. Hamaika jatetxe dituzu aukeran, sukaldaritza tradizionalaren eta euskal sukaldaritza berriaren arteko fusio bikaina.

Irun

Larunbata Arratsalde partean, ilunabar magikoa, belak zabal-zabalik

Eta orain bestelako ilunabarra biziko dugu, belaontzian nabigatuz. Amarrak askatu bezain pronto, beste mundu batean murgilduko gara. Belaontziaren kroskoa itsasoa zeharkatzen entzutean, eskora arina eta haizea aurpegian sentitzean, berehalaxe ahaztuko ditugu lurtarren pentsamenduak. Patroiak apurka-apurka lemari heltzeko proposatuko digu, maniobran parte hartzeko. Guztia ere patxadaz eta paisaia zoragarri bat inguruan dugula. Orain artean ez baduzue ikusi Hondarribiko gune historikoa, igo ilunabarrean eta zeharkatu hango kale estu eta malkartsuak. Amaiera paregabea izango da lilura biziko arratsalde partea igarotzeko. Gune historikoko kaleetan toki zoragarriak daude afaltzeko edo zerbait hartzeko.

Igandea Akzioa eta gozamen gastronomikoa, kale egiten ez duen bikotea

Intentsitate handiko ur jarduerak gustatzen bazaizkizu, nahitaez probatu behar dituzu Speed Banana Boat, Flyboard, Wakeboard edo uretako motorra; esku-eskura dituzu guztiak. Zirrara handiko saioak, erabateko segurtasunez! Dena den, badira aukera lasaiagoak ere, hala nola bela arina. Hainbat klase dira aukeran, arinak eta sentikorrak. Eta haize ufada txikienarekin ere berehalaxe abiatuko zara martxan, paisaia ikusgarriaz gozatzen duzun bitartean. Eta, itsas hondoko bazterrak miatu nahi badituzu, urpekaritza saio kontrolatuak ere kontrata ditzakezu. Euskal Herriko itsas hondoak hainbat berezitasun ditu, gure izaerak bezalaxe. Murgil zaitez eta egin gure erro sakonenen enbaxadore. Goiz aktibo bat igaro ondoren, zer hoberik Marina aldeko terrazez gozatzea baino: atsedena eta pintxo goxo-goxoak uztartuko ditugu, giro bikaineko eta kolorez jositako inguru honetan. Baina, pintxoez gainera, taxuzko otordua ere nahi baduzu, aukeran dituzu jatetxe bikainak, sagardotegia eta txakolindegi bat ere –azken horrek bisita gidatuak eskaintzen ditu–.