Mikel Chillida
Gipuzkoa jendearen zintzotasunagatik eta besteekiko berezko errespetu gaitasunagatik harrapatzen zaituen lurraldea da.
Kaixo! Mikel Chillida naiz, Eduardo Chillida eskultorearen iloba eta aitonaren omenezko Chillida Leku museoko garapen zuzendaria.
Gipuzkoa probintzia zoragarria da, eta bertako biztanleek konpromiso sozial handia eta ezaugarri oso garrantzitsu bat izan dute beti: ondo egindako lanarekiko leialtasuna eta balioespena. Horren ondorioz, Gipuzkoan erraza da kalitatezko baliabideak aurkitzea, eta baliabide horiek, edertasun naturalarekin eta aberastasun historikoarekin zein kulturalarekin batera, harro sentiarazten gaituzte, eta, jakina, besoak irekita hartzen ditugu gure kultura ezagutzera etortzen diren pertsona guztiak. Gipuzkoa jendearen zintzotasunagatik eta besteekiko berezko errespetu gaitasunagatik harrapatzen zaituen lurraldea da.
Bizikleta ibilaldi bat da, "made in Gipuzkoa" bizikleta batean egindakoa: bide zati batzuk lasaiagoak dira, beste batzuk, berriz, bihurgunez beteta daude eta ibilbide bihurri horietatik ikus ditzakegu itsasoa zein basoak. Gipuzkoaren izaera kulturaren bitartez ezagutzen dugu, eta, eguna amaitzeko, onena da topagune sakratuetako batera joatea afaltzera, alegia, elkarte gastronomiko batera (edo beste edozein lekutara; edonon jaten da ondo).
Bere gogokoak Mikel Chillida
Chillida Leku
Niretzat leku horrek esanahi berezia du. Nire aitonak, Eduardo Chillida eskultoreak, Hernanin egin zuen amets-museo utopikoa, pertsonala eta desberdina, Donostiatik 10 minutura. Aire zabaleko museo bat da, non zuhaitz eta altzairuzko baso batek euskaldunon izaera oso ondo erakusten duen, lanez eta galderez betea, eta geure buruarekin aurrez aurre jartzen gaituena.
Niretzat leku horrek esanahi berezia du. Nire aitonak, Eduardo Chillida eskultoreak, Hernanin egin zuen amets-museo utopikoa, pertsonala eta desberdina, Donostiatik 10 minutura. Aire zabaleko museo bat da, non zuhaitz eta altzairuzko baso batek euskaldunon izaera oso ondo erakusten duen, lanez eta galderez betea, eta geure buruarekin aurrez aurre jartzen gaituena.
Urgull mendia
Donostiarra naizen aldetik, Donostian izan daitekeen esperientziarik onenetakoa niretzat da Urgull mendian gora abiatu eta bertan ibiltzea. Bidea ez da batere erraza, mendi magala eta beste garai batera eramaten gaituzten eskailerak direla-eta, baina horien bidez, hain zuzen, deskubritzen dituzu Ingelesen hilerria eta bertako hilarri zaharrak, bai eta zeruertz amaigabe eta eskuraezina, eta inguru horretan dauden hainbat artelan ere.
Donostiarra naizen aldetik, Donostian izan daitekeen esperientziarik onenetakoa niretzat da Urgull mendian gora abiatu eta bertan ibiltzea. Bidea ez da batere erraza, mendi magala eta beste garai batera eramaten gaituzten eskailerak direla-eta, baina horien bidez, hain zuzen, deskubritzen dituzu Ingelesen hilerria eta bertako hilarri zaharrak, bai eta zeruertz amaigabe eta eskuraezina, eta inguru horretan dauden hainbat artelan ere.
Pasaia
Hasteko, Albaola Itsas Faktoria ikustera joan behar da, XVI. mendeko San Juan ontzia modu tradizionalean berreraikitzen ari den museo bitxia. Indarra, tradizioa eta nortasuna uztartzen dituen esperientzia. Jarraian, aproposena da Pasai San Pedro eta Pasai Donibane lotzen dituen txalupa hartzea, Pasaiako portura sartzeko bi muturrak lotzen dituen linea erregularra baita, eta herri magiko horretan paseo eder bat ematea, San Juan hondartza izeneko kala edo hondartza natural txiki batean amaituta. Eguna benetan borobila izan dadin zer hoberik Cámara jatetxean mahai bat hartzea baino!
Hasteko, Albaola Itsas Faktoria ikustera joan behar da, XVI. mendeko San Juan ontzia modu tradizionalean berreraikitzen ari den museo bitxia. Indarra, tradizioa eta nortasuna uztartzen dituen esperientzia. Jarraian, aproposena da Pasai San Pedro eta Pasai Donibane lotzen dituen txalupa hartzea, Pasaiako portura sartzeko bi muturrak lotzen dituen linea erregularra baita, eta herri magiko horretan paseo eder bat ematea, San Juan hondartza izeneko kala edo hondartza natural txiki batean amaituta. Eguna benetan borobila izan dadin zer hoberik Cámara jatetxean mahai bat hartzea baino!
